كيفية أخراج البيانات على الشاشة(C++/CLI)

لما تيجى تحب تتعلم برمجة...طبعا أنت حتكون داخل
بصدرك ومتحمس وسخن....ولامؤاخذة فاكر نفسك
حتعمل برنامج من أول يوم.....
معلش يابنى خذها نصيحة منى...عايز تتعلم برمجة يبقى
لازم حضرتك يكون عندك صبر....والا مش حتعرف تعمل
حاجة...
طب وبعدين....طبعا حضرتك تروح تاخد كورس...ويبدأ
الكورس وتفاجأ بأنهم بيعلموك على الدوص(DOS)
طبعا حضرتك تتعفرط وتتجنن .... وتعملها فضيحة....
دول مش عارفين يعلمونا حاجة....قال أيه بيعلمونا نعمل
برامج بالدوس......أهدأ يابنى شوية....لازم علشان تتعلم
أى لغة برمجة ....لازم يكون هناك وسيلة ما لأظهار
البيانات لك على الشاشة...لأنك حتعمل برنامج ....
والبرنامج ده غالبا محتاج إدخال بيانات...ومحتاج أيضا
خروج بيانات منطقية معتمدة على البيانات اللى دخلت....يعنى لازم حضرتك عشان تتعلم برمجة صح....يبقى لازم تتدرب جيدا على أساسيات اللغة اللى أنت حتتعامل معها بعيدا عن أى تعقيدات أخرى.....
يعنى من الاخر حضرتك لازم تتعلم من خلال الكونسول(Console) أو الدوس زى ما بيقولوا....
يعنى الناس دى مبتضحكش عليك....لكن أهدأ وركز وأصبر شوية....
طب وبعدين.....أنت عايز تتعلم برمجة السى بلس بلس على السى إل اى ...أى من خلال الدوت نت
يبقى لازم أولا تعرف إيه الوسيلة اللى من خلالها إزاى تخرج بيانات على الشاشة...
أولا ...أفتح برنامج الفيجوال ستوديو...أى أصدار بداية من 2003
بعد كدة أفتح قائمة File ومنها أختر Project
ستظهر أمامك نافذة عنوانها New Project
بعد كدة أختر من الجنب الشمال

Visual C++

...إن لم تكن ظاهرة قم بفرد رابط مكتوب عليه

Other Languages

...ثم أختر منه

Visual C++

بعد كدة أختر من الجانب الأيمن

CLR Console Application

بعد كدة...تحت عنك حقل أسمه Name قم بوضع أسم المشروع فيه.....أكتب الأسم اللى يعجبك ...بس ياريت يكون كلمة واحدة
بعد كدة....مش مطلوب منك أنك تغير أى حاجة تانية...إلا إذا أردت أنك مثلا تغير مكان فولدر المشروع....وأعتقد أن ده مش مهم فى المرحلة الحالية
بعد كدة...دوس على أوكيه(OK)
حتلاقى قدامك صفحة بيضا ومزهزهة مكتوب فيها شوية كلام....طبعا حضرتك أكيد مش فاهم أيه الكلام ده....مش مهم حتفهم بعدين
أنا بس اللى عايزك تفهمه دلوقتى...أنك حتكتب بين القوسين المتعرجين.....اللى جواهم دلوقتى السطرين دول

Console::WriteLine(L"Hello World");
return 0;

طيب.....عشان تكتب أنا عايزك تمسح السطر الأولانى اللى هوه

Console::WriteLine(L"Hello World");

ثم تبدأ بالكتابة من أول السطر
وعشان تسهل على نفسك الموضوع....قم بالضغط على زر كنترول ومسطرة فى لوحة المفاتيح
ستظهر أمامك قائمة...مش مهم سيبها وأبدأ أكتب كلمة Console
وخلى بالك السى كابيتال(حرف كبير)
ستجد أن الأكمال التلقائى اللى هو القائمة المفتوحة بتساعدك فى الوصول للكلمة الصحيحة...وكتر خير ميكروسوفت
بعد كدة حتكتب أتنين كولون اللى هى العلامة دى ::
دى بيسموها هنا سكوب ريسولوشن(Scope Resolution operator)
بعد كدة ستجد بقدرة قادر قايمة تانية أتفتحت تساعدك على الأختيار.....قم بكتابة كلمة WriteLine
وخلى بالك الدبليو والأل كابيتال
بعد كدة أفتح قوس وأقفله......وخلى بالك معايا من دلوقتى....لما أقولك قوسين من غير أى حاجة تانية يعنى مربعين أو متعرجين معناها الأقواس العادية اللى هية على زرار التسعة والصفر على الكيبورد
بعد كدة عايزك تكتب جوه القوسين دول علامتين تنصيص.......وأستنى معايا وأصحى وخلى بالك.....أنت هنا حتستخدم الرمز اللى على الكيبورد على حرف الطاء مع ضغط زر الشيفت اللى هى العلامة دى “
حتعمل من العلامة دى أتنين داخل القوس......وعايزك بعد كدة تكتب جواهم أى حاجة.......أسمك ...رقم تليفونك....أى حاجة أنته عايزها.....بعد كدة تكتب فى اخر السطر علامة السيمى كولون اللى هى دى ;
بعد كدة عايزك تضغط كنترول مع زر أف خمسة لمشاهدة البرنامج الرائع اللى أنت عملته
طبعا حتفتح أدامك شاشة سودا ومكتوب فيها الكلام اللى حضرتك كتبته داخل علامتى التنصيص
يبقى أيه اللى أحنا أستفدناه هنا......أستفدنا إزاى نقوم بأخراج بيانات أو كلام أو أرقام على الشاشة.....لأن الكلام ده حنحتاجه بعد كدة كتير فى تعلمنا للبرمجة.

ahmedvb@hotmail.com